[LUKYYRUS]

ఒక్కసారి ఫోన్ చెద్దామాని అనిపించింది.చెయ్యడానికి కొంచం బెరుకు గా అనిపించింది.

రాత్రి మళ్ళీ""గుడ్ ఈవెనింగ్" మెసేజ్ పెట్టాను.
జవాబు శూన్యం.
నిద్రపట్టడం లేదు.రాత్రి 11.బుర్రంతా మాలతి ఆలోచనలతో వేడెక్కుతోంది.మళ్ళీ మెసేజ్ పెడదామా అని నా మనస్సు పీకుతోంది.ఇంత రాత్రి మెసేజ్ పెడితే మళ్ళీ ఏమి అనర్ధాలు వస్తాయో అనుకుంటూ,సరే......ఏదైతే అది అయ్యింది లే అని
"సారీ మేడం" మెసేజ్ పంపాను.20 నిం.,ల తర్వాత మెసేజ్ వచ్చింది.అంతే ఒక్క ఉదుటున ఫొన్ అందుకున్నాను.
"గుడ్ నైట్" పంపింది.
ప్రొద్దున్నే గుడ్మార్నింగ్ మెసేజ్ పెట్టాను.జవాబు వచ్చింది.మనసు కుదుటపడింది. సింధు ను తీసుకుని కాలేజ్ వెళ్ళాను.మాలతి కనబడింది.ఈ సారి తనే నవ్వుతూ హలో చెప్పింది.చక్కటి పలువరుస,ఎర్రటి పెదాలు.లేతాకు పచ్చ చీరలో సమ్మోహనంగా ఉంది.రెండు నిమిషాలు మాట్లాడి,బయటకు వచ్చి బైక్ స్టార్ట్ చేస్తూ వెనకకు తిరిగి చూశాను.రెండవ అంతస్తు పైకి వెళుతూ నేను తనను చూడడం గమనించి మొహం గబుక్కున త్రిప్పుకుంది.మనసు లో నవ్వుకుంటూ ఆఫీస్ బయలుదేరాను.లంచ్ అవర్ లో మెసేజ్ పెట్టాను.
"గుడ్ ఆఫ్టర్ నూన్ మేడం"
"గుడ్ ఆఫ్టర్ నూన్ శివా"
"థేంక్స్ మేడం"
"భోజనం అయ్యిందా???"
"ఇంకా లేదు,ఇకమీదటే...మీరూ?????"
"తింటూ మీకు మెసేజ్ పెడుతున్నాను"
"ఏంటి వంట?
"పచ్చిపులుసు,దొండకాయ వేపుడు"
"ఓహ్ నైస్....నాకూ ఆకలి వేస్తోంది"
"హహ్...హహ్...హా"
"నాకు పచ్చిపులుసు లేదా????"
"రండి షేర్ చేసుకుందాం"
"ఓహ్....థాంక్స్.ఈ మాటాకే నా కడుపు నిండి పోయింది"
ఇలా కొంచంసేపు మెసేజ్ లు పంచుకుని ఎవరి పనుల్లో వారు పడిపోయాం.రాత్రి మళ్ళీ మాలతి జ్ఞాపకాలే.రెండవ అంతస్తు నుండి తను చూసిన చూపులు నాకు నిద్రలేకుండా చేస్తోంది.రాత్రి పదిన్నర అయ్యింది.నిద్ర రావడం లేదు.ఏదో అలజడి.జంకుతూ మెసేజ్ పెట్టాను.
"గుడ్ నైట్ మేడం"
కొంచంసేపట్లో జవాబు.
"ఈ సమయం లో గుడ్ నైట్ ?ఇంకా నిద్రపోలెదా?"
"లేదు.నిద్ర రావడం లేదు మేడం"
"ఏం"
" ఏమో??మీరు పడుకోలేదా???"
"లేదు.....పరీక్ష పేపర్లు దిద్దుతున్నాను".
"నేను డిస్టర్బ్ చేస్తున్నానా?"
"నో ప్రాబ్లం, అయిపోవచ్చింది"
"హుం...దెన్"